Се одложува натпреварот од ЛШ меѓу АЕК Атина и Динамо Загреб
Натпреварот меѓу АЕК Атина и Динамо Загреб на македонскиот репрезентативец Стефан Ристовски, кој требаше да се одигра денеска од 20.45 часот во третото коло од квалификациите за Лигата на шампионите е одложен, а новиот термин ќе биде објавен подоцна, пренесува грчкиот портал „Спортал“.
Препорачано
Имено, ноќта помеѓу понеделникот и вторникот дошло до големи судири меѓу хулигани. Во еден од нив е убиен и 22-годишен маж од Грција. По овие немили настани, беше одлучено натпреварот да се одложи, а УЕФА итно се сретна со организаторите.
Претставниците на АЕК за сè што се случи го обвинија хрватскиот клуб и полицијата, а потоа го напуштија состанокот.
– Во овој момент сметаме дека е незамисливо и параноично да учествуваме на состанокот, на кој се присутни и претставници на Динамо Загреб, додека жалиме за загубата на животот на нашиот навивач и за она што се случи вчера – се вели во краткото соопштение на АЕК.
Одложувањето нè уште не е официјално потврдено од Европската фудбалска унија (УЕФА).
AEK vs Dinamo Zagreb is POSTPONED after the death of a 22 year old AEK fan, Michalis ?
AEK holds the Greek police and Dinamo Zagreb completely responsible for the violence last night, which led to multiple injuries, vandalism, and a death of a young fan. pic.twitter.com/hnAJboeOgQ
— AEK Insider (@AEKINSIDER) August 8, 2023
ГНК Динамо најостро ги осудува нередите што се случија синоќа во Атина, во кои, според извештаите на грчката полиција и грчките и хрватските медиуми, неколку бунтовници кои отпатувале од Хрватска за Грција и биле вмешани во инцидент со навивачи на грчкиот фудбалски клуб АЕК.
