Сите опозициски одборници во Нови Сад побараа оставка од градоначалникот Милан Ѓуриќ откако во водоводот беше откриено присуство на цевчести црви. Оставка е побарана и од Урош Лончар, директор на јавното претпријатие Водовод и канализација.

– Присуството на цевчести црви, во согласност со правилникот за хигиенска исправност за водата за пиење на Република Србија, значи дека водата од водоводот мора да биде прогласена за „техничка“. Водоводот, сепак, ја прогласил водата исправна за пиење – соопштија опозициските одборници.

Присуството на нематодите е потврдено во резервоарот од кој преку водоводната мрежа водата се пренесува до домаќинствата. Количеството е мало и не е загрозувачко за здравјето, но во правилниците е наведено дека цевчести црви воопшто не смее да бидат присутни во водата за пиење.

Опозицијата потсетува дека за надградба на новосадската Фабрика за вода, биле вложени 14 милиони евра за уредите за озонизација и за филтери со активен јаглен – низ кои нематодите не смее да поминат.
– Единствениот начин црвите да продрат до чешмите е ако уредите се оштетени или ако не се одржуваат како што треба – наведува опозицијата.