Бенјамин Савшек и го донесе првото злато на Словенија на Олимписките игри во Токио, откако беше најдобар во дисциплината кајак кану на диви води. Словенецот имаше речиси совршена трка, патеката ја помина за 98.25 секунди без ниту еден казнен поен.

Ова е втор медал за Словенија на ОИ во Токио, но прв златен. Претходно велосипедистот Тадеј Погачар го освои бронзениот медал на уличната трка.

Единствен кој имаше шанси да го загрози Савшек беше Чехот Лукас Рохан, но тоа имаше послабо време од 99.96 секунди, а плус заработи и две казнени секунди поради допирање на капија и со остварени 101.96 секунди мораше да се задоволи со сребрениот медал.
Бронзата ја освои Германецот Сидерис Тасиадис кој оствари време од 103.70 секунди.