Централната банка на Саудиска Арабија соопшти дека нивната цел е со новиот симбол да го промовираат финансискиот идентитет на земјата, како во земјата, така и во светот. Новиот симбол, како што наведоа, го зајакнува националниот идентитет и културната припадност, ја нагласува улогата на националната валута и ја претставува земјата меѓу најголемите економии во светот.

Тие нагласија дека симболот е развиен според највисоките технички стандарди и дека го отелотворува богатото културно наследство на Саудиска Арабија, а самиот дизајн на симболот потекнува од арапската калиграфија. Дополнително, беше оценето дека новиот симбол ја нагласува растечката улога на оваа земја во светот, што е определена со агендата за периодот до 2030 година, објави Кликс.ба.