Четири европски земји успеаја да ги обединат клупските титули на Стариот континент во едни од најпопуларните спортови во светот, фудбалот и кошарката.

Србија е помеѓу тие држави, до овој успех дојде откако Црвена звезда беше најдобра во фудбалот, а Партизан во кошарката. Може да се пофали и Франција со ист учинок, Марсеј доминираше на фудбалските терени, а Лимож на кошаркарските.

Следните две држави, Шпанија и Италија, се далеку најуспешните во оваа статистика. Шпанија има 18 титули шампион на Европа, на фудбалски план 13 освои Реал Мадрид, а пет Барселона. Во кошарката исто така доминација на „кралевите“, вкупно 10 пати беа европски шампиони, двапати Каталонците, а еднаш Хувентуд.

Во Италија Милан седумпати се искачи на европскиот фудбалски врв, трипати Интер, а Јувентус и покрај многубројните финални натпревари до трофејот стигна само двапати.

На кошаркарските паркети Варезе има пет титули, следува Олимпија со три, по две Виртус и Канту, а една има Рома.