Европската индустрија за играчки купила 19 играчки од Тему и ниту една од нив не била целосно усогласена со законодавството на ЕУ. Дури 18 играчки претставувале ризик за безбедноста на децата. Ваквото истражување кое го направило ова здружение, покажало загрижувачки податоци и за другите пазари. Поради тоа, тие ги повикаа законодавците и локалните власти да ги спречат небезбедните играчки што ги продаваат големите онлајн компании кои не се со седиште во ЕУ- пишува Политика. рс.

Идејата е да се забрани продажбата на играчки за чија безбедност компаниите не се одговорни. Беше заклучено дека на Европа и треба таргетирано законодавство за да ги заштити децата од опасни играчки и да обезбеди можност за реномирани локални компании да влезат на пазарот во здрава конкуренција.

Кога Европската индустрија за играчки ги купи овие производи на платформата Тему, тие ги испратија на тестирање во независна лабораторија и добија, како што велат, алармантни податоци. Ниту една од играчките не беше во согласност со законодавството на ЕУ. Тоа значи дека тие не треба ни да се продаваат на овој заеднички пазар. Ризиците кои се идентификувани се однесуваат на можноста од изгореници, исеченици, задушување и хемиски опасности.

На пример, само една играчка имала неколку безбедносни ризици, како што се остри рабови или мали делови што може да предизвикаат задушување. Само една од контролираните играчки имала адреса на производител во ЕУ, што е услов според Регулативата за надзор на пазарот на ЕУ.

Кога оваа организација ја известила „Тему“ за овие наоди и резултати, добиле одговор дека се преземени мерки и дека овие играчки повеќе нема да се најдат на нивната платформа. Иако нивната реакција била охрабрувачка, од ЕУ велат дека корективните мерки не се доволни, особено што не се знае колку такви играчки има на интернет, поточно нивните платформи. Во 2020 година била спроведена студија со слични резултати.

– Европската унија ги има најстрогите правила за безбедност на играчките во светот, но онлајн платформите сè уште дозволуваат продажба на играчки што ги продаваат компании надвор од ЕУ кои не ги почитуваат правилата. Електронската трговија е клучна за економијата и потрошувачите треба да веруваат дека она што се нуди на продажба во ЕУ е во согласност со правилата на ЕУ. Затоа, овие компании не треба да ја злоупотребуваат довербата на потрошувачите во ЕУ- велат експерти.