Спортскиот директор на Баерн Минхен, Хасан Салихамиџиќ, ги критикуваше своите играчи и порача дека се мрзеливи, по поразот од Баер Леверкузен во Бундес лигата.

Баерн во неделата загуби во Леверкузен од Баер со 1:2, откако поведе од 22 минута со голот на Џошуа Кимих.

Салихамиџиќ изјави дека Баер бил подобар иако во четвртокот одиграле натпревар во Лига Европа.

– Ова не е Баерн Минхен. Ни недостигаше сè. Дозволивме да бидеме престигнати од тимот кој играше натпревар во четвртокот. Баер беше подобар во сите сегменти. Ретко сум доживеал толкава мотивација, менталитет, толку малку дуели. Овој тим е толку добар кога го има вистинскиот менталитет од самиот почеток, но не е добар кога игра како сега и кога е мрзлив и мисли дека може да направи сè со квалитетот на играта. Едноставно не може – рече Салихамиџиќ за „ДАЗН“.

Актуелниот шампион го претрпе третиот пораз во првенството и падна на второто место на табелата со 52 бода, бод помалку од првопласираната Борусија Дортмунд. По репрезентативната пауза, Баерн на 1 април ќе игра против Дортмунд.