Еден од најдобрите фудбалери на Ливерпул, најдобриот стрелец на англискиот фудбалски клуб, Мохамед Салах, им се придружи на играчите на „Црвените“ со порака по трагичната смрт на Диого Жота.

Во сообраќајна несреќа загинаа Португалецот Диого Жота и неговиот брат Андре Силва.

Египќанецот Салах напиша емотивна објава за Диого Жота со кој го делеа дресот на „црвените“ пет години.

– Навистина сум без зборови. До вчера, никогаш не помислив дека нешто може да ме исплаши од враќањето во Ливерпул по паузата. Соиграчите доаѓаат и си одат, но не вака. Ќе биде исклучително тешко да се прифати дека Диого нема да биде таму кога ќе се вратиме.

Моите мисли се со неговата сопруга, неговите деца и, секако, со неговите родители, кои ненадејно ги загубија своите деца. На сите најблиски на Диого и на неговиот брат Андре им е потребна сета можна поддршка. Тие никогаш нема да бидат заборавени – стои во објавата на Салах.