Напаѓачот на Ливерпул, Мохамед Салах, ја заврши сезоната со уште едно големо признание, прогласен е за најдобар фудбалер во англиската Премиер лига.

Ова е вторпат во неговата кариера Египќанецот да ја добие оваа престижна награда, со што влезе во елитно друштво од само пет фудбалери кои двапати биле избрани за најдобри во најсилната лига во светот.

Покрај Салах до ова достигнување стигнаа уште: Тјери Анри, Кристијано Роналдо, Немања Видиќ и Кевин Де Брујн.

Салах и оваа сезона беше клучна фигура во тимот на Ливерпул, постигнувајќи важни голови и водејќи го клубот во битката за трофеи. Со ваквите настапи, Египќанецот уште еднаш потврди дека е меѓу најдобрите фудбалери на својата генерација.