Претставничкиот дом на Конгресот ја откажа планираната седница за денеска по полициското предупредување за можен упад на милитанти во Капитол хил како што беше случај на 6 јануари.

На дневната агенда на Претставничкито дом, меѓу другото, беше и расправа за предлог законот за реформи во полицијата. Но, еден од членовите рече дека предупредувањето од полицијата, базирано на податоци на разузнавачките служби, претставува голем ризик и дека затоа е дојдено до измена на планови, пренесува „Глас на Америка“.

Полицијата на Капитол хил не ја именуваше организацијата, туку ја нарече само „неидентификувана милитантна група“.

Шефот на протоколот на Претставничкиот дом, Тимоти Блоџет уште вчера ги извести сите членови на Конгресот за можни безбедносни закани од четврток до сабота што се однесуваат на потенцијални протести и демонстрации во врска со настанот што некои го опишуваат како „правен ден на инаугурација“.