Вкупно 13 лица се повредени во напад на руските воени сили врз Одеса, соопшти државната служба за вонредни состојби, додавајќи дека пожарите од големи размери се шират во градот.

Во нападот до темел изгорела четирикатна станбена зграда.

„Спасувачите спасија три лица, евакуирани беа уште шест. За време на гаснењето и спасувањето зградите се урнаа врз спасувачите – тројца пожарникари се повредени, тие сега се во болница во стабилна состојба“, истакнаа од државната служба за итни случаи.

Освен тоа, според жителите, можно е во зградата да има уште едно лице, а во тек е акција за пребарување и спасување.

Освен тоа, оштетена е и станбена зграда од 23 ката, чии горни катови биле погодени од дрон. Снимката од директен удар беше емитувана на украинските телевизиски мрежи, пренесува УНИАН.