На почетокот на следната година Русија ќе активира сајт наречен Знаење (Знание) кој ќе биде еквивалентен на сегашната интернет енциклопедија Википедија, изјави денеска рускиот министер за дигитален развој Максут Шадаев.

– Наша главна задача е да лансираме сопствен портал, кој е ажуриран според податоците на големата руска енциклопедија, а лансирањето е планирано за почетокот на следната година“, рече Шадаев, пренесува Танјуг.

Инаку на почетокот на годинава ланецот на ресторани за брза храна Мекдоналдс ја напушти Русија поради нападот на Украина, а рускиот бизнисмен кој ги купи рестораните од Мекдоналдс отвори синџир наречен „Вкусно“, кој е руската верзија на Мекдоналдс.