Русија е подготвена да развие соработка со други земји врз основа на нов модел за целосно технолошко партнерство, вклучително и локализација на производствени капацитети и обука на персоналот, изјави рускиот претседател Владимир Путин на пленарната седница на Меѓународниот економски форум во Санкт Петербург, пренесува ТАСС. 

„Подготвени сме да им понудиме на другите земји целосни технолошки и индустриски партнерства, вклучително и обезбедување на целосен животен циклус на стоки и услуги со обука на национален персонал, локализација на производствени капацитети, инженерска поддршка, техничка услуга, осигурување“, рече Путин.

Путин истакна дека „таквиот пристап кон соработката на рамноправна основа, трансферот на технологии и надлежности, наместо нивна монополизација, овозможуваат воспоставување посилни врски меѓу државите, ја зголемуваат стабилноста на позициите“ на руските компании.

„Токму така работи една од нашите водечки компании, Росатом“, даде пример рускиот претседател.

Од 5 до 8 јуни се одржува Меѓународниот економски форум во Санкт Петербург (SPIEF). Темата оваа година е „Формирање на нови области на раст како камен-темелник на мултиполарен свет“. Настанот е организиран од Фондацијата Росконгрес. ТАСС е информативен партнер на настанот.