Кога рускиот претседател Владимир Путин ја започна војна против Украина, тој ја истакна „денацификацијата“ на Украина како една од клучните цели на Русија.

Но, вчера рускиот Совет за безбедност премина од „деназификација“ на Украина на „десотонизација“ на таа земја. Имено, Алексеј Павлов, функционер на Советот за безбедност, тврди дека е неопходно да се изврши „десотонизација“ на Украина и дека во таа земја има „стотици секти“ кои ги напуштиле православните вредности.

Meanwhile in Russia: since Putin's phony "denazification" never made any sense, now Russia's Security Council is absurdly calling for the "desatanization" of Ukraine. How embarrassing. pic.twitter.com/hxlLCAEBdD

— Julia Davis (@JuliaDavisNews) October 25, 2022

На неговите тврдења одговори украинската новинарка на „Киев Индепендент“, Анастасија Лапатина, која на Твитер објави податоци за религиозноста на Украинците.

„Апсурдна промена на наративот во Русија. „Денацификацијата“ се чини дека е заменета со „десотонизација“. Официјален претставник на рускиот совет за безбедност вели дека во Украина има стотици религиозни секти чија моќ порасна од 2014 година и се обидуваат да ги згаснат идеалите на Аврамски религии“, објави Лапатина.

„Во реалноста: околу 70% од Украинците се религиозни, 60% се сметаат себеси за православни, 10% се грчки католици, 1,5% се протестанти, 8,5 се „само христијани“, а околу 20% не се религиозни. Ова се податоците на Центарот Разумков од 2021 година“, соопшти таа.

?Absurd narrative shift in Russia – "denazification" seems to be replaced with "desatanization". Assistant secretary of Russia's Security Council said #Ukraine has hundreds of religious sects which grew in power after 2014 and try to abolish ideals of Abrahamic religions.

— Anastasiia Lapatina (@lapatina_) October 26, 2022

„Половина од верниците во Украина велат дека одат на религиозни служби. Не заборавајте за Евреите и муслиманите. Нивниот број е тешко да се процени, но секоја од овие религии има стотици или илјадници членови во Украина“, вели новинарката од Киев Индепендент.

„Не можеа да ги најдат нацистите во Украина, па сега го бараат сатана. Кој е следниот? се запраша таа.