Руски напад со дронови врз Виничката област во Украина во текот на ноќта предизвика пожари и оштети станбена зграда, соопштија локалните власти, објави Киев индепендент.

„Како резултат на масовниот непријателски напад минатата ноќ во Виничката област, имаше погодоци врз критичната инфраструктура,“ објавија властите на Телеграм.

Пожарите биле изгаснати од страна на итните служби, а железничкиот сообраќај е повторно воспоставен. Сепак, една станбена зграда останува без електрична енергија.

„Повеќе од 30 пожарникари и 8 возила беа ангажирани во гаснењето на пожарот,“ соопшти Државната служба за итни случаи.

Не се пријавени повредени или загинати лица по нападот.

Виничката област се наоѓа во централна Украина, околу 200 километри југозападно од главниот град Киев.

Русија редовно ги напаѓа украинските градови со дронови и со ракети додека ја продолжува својата целосна војна против Украина.

На 26 септември, руски дрон удри во трговски центар во Киевскиот реон на Харков, при што беа повредени четири лица, соопштија локалните власти.

ВИДЕО | Зеленски до Русите: Запрете ја војната или најдете засолништа, имам поддршка од Трамп за удари во Русија