Рускиот опозициски лидер Алексеј Навални, кој е во затвор веќе една година, е вклучен на листата на терористи и екстремисти на руската служба за финансиски мониторинг Росфинмониторинг, која е задолжена за борба против перење пари и финансирање тероризам, пренесува Политико.

На списокот се најде и еден од неговите соработници, Љубов Собол, која побегна во егзил пред да биде кривично гонета.

На списокот се и соработниците на Навални

Според Антикорупцискиот фонд, организацијата на Навални беше забранета во јуни и на списокот беа додадени уште најмалку девет лица поврзани со неговото движење. Во средината на јануари, на списокот беа додадени двајца од главните соработници на Навални, Иван Жданов и Леонид Волков, кои живеат во егзил.

Списокот вклучува илјадници луѓе и стотици исламистички, религиозни и ултранационалистички организации забранети во Русија, како што се Талибанците и Исламската држава.

Навални беше уапсен на 17 јануари минатата година во Москва, откако се врати од лекување во Германија по тешкото труење во август, за кое го обвинува рускиот претседател Владимир Путин. Тој е осуден за измама на две и пол години затвор.