Руската Државна Дума денеска усвои низа закони со кои се заострува кривичната одговорност за дискредитација на вооружените сили, соработка со меѓународните организации кои не се признати во Русија и неизвестување на властите за планираната саботажа.

Еден од усвоените закони воведува статус на „странски агент“ за лица кои поддржуваат одлуки на меѓународни организации како што е Меѓународниот кривичен суд или странски владини агенции, доколку се смета дека тие одлуки се насочени против безбедноста на Русија, пренесе РИА Новости.

Овој закон важи и за оние кои собираат информации од воено-техничката област или учествуваат во ширење на материјал што може да ги загрози интересите на државата.