Легендата на Манчестер Јунајтед и најдобар стрелец во историјата на клубот, Вејн Руни, со голема доза разочараност зборуваше за состојбата во неговиот поранешен клуб. Во интервју за „Би-Би-Си“, Руни, кој со дури 253 гола го носи статусот на клупска икона, без влакна на јазикот изјави дека овој Јунајтед „не го препознава“.

„Сите сега само седат и чекаат сè да се распадне. Ова не е Манчестер Јунајтед што го знам. Не гледам борба кај фудбалерите, нема карактер, нема желба за победа, ни способност. Сето ова што му се случува на клубот е загрижувачко“, изјави Руни.

Тој порача дека мора да се испрати јасна порака до сопствениците за правецот по кој оди клубот, потенцирајќи дека тимот не успеал да врзе две победи по ред уште од јануари.

Ќе потсетиме, Манчестер Јунајтед и оваа сезона игра под очекувањата и по шест кола во Премиер лигата имаат три порази и се наоѓаат дури на 14. место на табелата.

Преземено од: Спорт.ком.мк