Рускиот заменик министер за надворешни работи, Андреј Руденко, попладнево изјави дека Русија, САД и Франција вложуваат заеднички напори за намалување на тензиите и деескалација на ситуацијата во регионот Нагорно-Карабах, јави агенцијата „Анса“.

Во спорниот кавкаски регион Нагорно-Карабах што формално му припаѓа на Азербејџан, а во кој живее мнозинско ерменско етничко населние, во неделата почнаа судири меѓу соседните држави Азербејџан и Ерменија.

Оттогаш двете земји меѓусебно се обвинуваат за почнување на жестоките воени дејствија, а досега има стотици загинати и повредени војници и цивили на двете страни.