Андреј Рубљов се пласираше во големото финале на турнирот во Дубаи после победата над Хуберт Хуркач со 2:1.

Иако Полјакот го освои првиот сет со 6:3, следува пресврт на рускиот тенисер кој ги освои следните два сета со 7:5 и 7:6 (5).

Голема борба имаше во одлучувачкиот сет, од третиот гем секој следен се играше долго и беше неизвесно кој ќе триумфира на крајот.

Рубљов после трофејот во Марсеј, се наоѓа на добар пат да продолжи да освојува нови трофеи оваа сезона.

За титулата Русинот ќе игра против подобриот од втората полуфинална пресметка помеѓу Јиржи Весели (Чешка) и Денис Шаповалов (Канада).