Ромео Бекам (22) и Ким Тернбул (24) раскинаа по седум месеци врска, пишува „Пејџ Сикс“.

Веста доаѓа кратко по жестоката расправија во семејството Бекам, во која се појавија гласини дека Бруклин Бекам и Никола Пелц ја пропуштиле забавата по повод 50-тиот роденден на Дејвид Бекам, делумно поради Тернбул.

Медиумите објавија дека браќата се скарале поради Ким, бидејќи Бруклин претходно излегувал со неа, но извори за „Пејџ Сикс“ изјавиле дека тоа не е вистина.

 

View this post on Instagram

 

A post shared by ROMEO (@romeobeckham)

„Тоа е само изговор за караница“, рекол изворот, нарекувајќи ги гласините на браќата Бекам „глупости“. Извор близок до Бруклин и Пелц за „Пејџ Сикс“ во среда изјавил дека двојката не знаела дека Ромео и Ким раскинале бидејќи тие не разговарале меѓусебно со месеци.

Во меѓувреме, продолжува кавгата меѓу Никол Пелц и мајката на Бруклин, Викторија Бекам. Во понеделник беше објавена голата фотосесија на Бруклин за списанието „Гламур“, на која се чини дека тетоважите посветени на Викторија се покриени. Тетоважата „мамино момче“ на градите на Бруклин наводно е покриена, додека тетоважата „Мама“ на неговото рамо е речиси целосно покриена со цвеќиња.

Сепак, извор близок до Бруклин ги негираше тврдењата. „Секој што ќе ја погледне фотографијата може да види дека тетоважата „мамино момче“ е сè уште таму – никогаш не била покриена“, рече тој. Кавгата меѓу Викторија и нејзината снаа наводно започнала во април 2022 година за време на раскошната свадба на Бруклин и Никол во Флорида, кога Викторија го засени настапот на Марк Ентони.

„Пред да започне песната, Марк Ентони го повика Бруклин на сцената, а потоа објави: „Најубавата жена во просторијата вечерва, качи се… Викторија Бекам!““, изјавил извор близок до семејството Пелц за списанието „Пипл“. На актерката и модел наводно ѝ било исклучително тешко. Таа сметала дека Викторија „ѝ ја уништила свадбата“.

И покрај нивните затегнати семејни односи, Бруклин јасно стави до знаење на чија страна е. Минатиот месец, тој објави видео на својот Инстаграм профил на кое вози мотор со Никол. „Целиот мој свет, ќе те сакам засекогаш. Секогаш ќе те бирам, бејби, ти си најпосебната личност што ја познавам. Ти и јас засекогаш“, напиша тој во описот.