Романија е последната шанса за Македонија да биде во главната фаза на ЕП
Од групата „Ц“ која се игра во Скопје веќе е познато дека репрезентациите на Франција и Холандија по двете стартни обезбедија пласман во главната фаза на Европското првенство. За третото место во СЦ „Борис Трајковски“ – Скопје кое исто така води во следниот дел од натпреварувањето ќе се борат селекциите на Македонија и Романија денеска од 18.00 часот.
Препорачано
Само со победа против романските ракометарки избраничките на селекторот Љубомир Савевски ќе ја остварат целта и бидат меѓу 12-те најдобри на шампионатот. Според Савевски Романија не е на нивото на Франција и Холандија, но е фаворит против Македонија.
Се очекува главната опасност да доаѓа од искусниот бек Кристина Неагу, а од друга страна македонската селекција заедно со поддршката од навивачите ќе се обиде да стигне до првата победа на ЕП.
Групата „Ц“ во главната фаза вкрстува со групата „Д“ каде што моментно после две кола води Црна Гора со четири бодови, по два имаат Полска и Германија, а ниту еден Шпанија.
Европско ракометно првенство 2022 (жени)
Прелиминарна фаза
Група „Ц“ (Скопје, Македонија)
Трето последно коло, двојки –
18.00 часот Македонија – Романија
20.30 часот Франција – Холандија
Табела:
1. Франција 4 бодови
2. Холандија 4
3. Романија 0
4. Македонија 0
