Полицијата извести дека 30-годишен Романец бил уапсен и протеран од земјава на три години, откако на пензионер од Пробиштип му продал кујнски прибор за 970 евра, лажно тврдејќи дека се работи за оригинален производ на познат бренд.

„СВР Штип – Надворешна канцеларија за криминалистички работи Пробиштип поднесе кривична пријава против Г.Б.(30) од Романија поради постоење основи на сомнение за сторено кривично дело „измама“. На 02.04.2025 во Пробиштип, пријавениот на 72-годишен маж му продал комплет кујнски прибор за сума од 970 евра, на тој начин што го довел во заблуда дека е оригинален производ на познат бренд. По преземени мерки, тој бил пронајден и лишен од слобода, по што во службен разговор во полициска станица го признал делото и ги вратил парите. Од Основен суд Штип пријавениот е осуден и му е изречена казна – протерување на странец од територијата на државата во траење од три години“, велат од МВР.