„Ролексот“ од 9.000 долари кој беше украден од домот на Кијану Ривс пронајден во Чиле
Полицијата во Чиле соопшти дека пронашла три часовници на американскиот актер Кијану Ривс, вклучително и „Ролекс“ од 9.000 долари, за кој се верува дека бил украден од домот на актерот во Лос Анџелес кон крајот на минатата година.
Препорачано
Како што пишува „Си-ен-ен“, полицијата пронашла три часовници во Чиле, а се верува дека еден од нив му припаѓа на Ривс.
Како што се наведува, часовникот од марката „Rolex Submariner“ на чија позадина е изгравирано „2021, JV4, благодарам, Џон Вик пет“, наводно, бил пронајден оваа сабота во источниот дел на Сантијаго во текот на полициската операција поврзана со серијата локални грабежи.
Покрај часовникот, пронајден е и накит, а при рацијата е уапсено и 21-годишно момче. Чилеанската полиција соработува со полицијата во САД за да се реши случајот што е можно поскоро.
Чилеанските власти соопштија дека пронашле накит и „вредни“ часовници за време на рациите во четири домови, при што најмалку еден часовник „припаѓал на добро познат актер кој бил жртва на грабеж во Лос Анџелес во декември 2023 година“.
Кијану Ривс по 21 година повторно се соедини со својот стар бенд
ФОТО | Секогаш свој, непроменет од славата: Кијану Ривс се прошета со шноли на главата низ Берлин
