Дождот во Париз денеска им прави големи проблеми на организаторите и тенисерите кои настапуваат на Ролан Гарос.

Натпреварите од попладневиот дел од програмата беа прекинати поради
дождот, но третиот носител Доминик Тим беше побрз и обезбеди пласман во третото коло. Победникот на УС Опен во три сета со 6:4,6:3,6:1 го совлада Норвежанецот Каспер Руд.

Кај дамите, првата носителка Симона Халеп и препушти само еден гем на Аманда Анисимова (6:1,6:0), а во одличен ритам е и третата носителка, Елена Свитолина. Украинката во два сета со 6:4,7:5 ја елиминира руската тенисерка Александрова.
Домашната тенисерка Каролин Гарсија се пласира во третото коло откако беше поуспешна од Елис Мертенс (1:6,6:4,7:5).