Унгарија влезе како фаворит во натпреварот против Македонија, но во вчерашниот дуел Унгарците извлекоа бод во последните моменти од средбата која заврши без победник 27:27.

Македонија беше на чекор од голема победа, меѓутоа загубивме топка во последните секунди и примивме гол кој за нас донесе разочарување.

Со оглед на тоа што се случуваше на теренот во Унгарија се задоволни од освоениот бод.

„Мораме да сме задоволни од конечниот резултатот. Не дозволуваме лесни погодоци, но пропуштивме неколку прилики во нападот и така си ја отежнивме ситуацијата. Најважно е што не се предадовме и што продолживме да се бориме. Бод не е лошо за почеток на едно Светско првенство и против Македонците не е лесно да се игра“, изјави Родригез.

Во второто коло кое на програмата е утре Македонија ќе игра натпревар со Холандија, додека Унгарија оди на Гвинеја.

Лазаров по ремито со Унгарија: Горд сум на играчите, само вака да продолжиме