Еден ден откако неговата ќерка Ајрин де Ниро (29) јавно објави дека е трансродова жена, легендарниот актер Роберт де Ниро (81) испрати силна порака за поддршка, па изјави дека ја „сака и поддржува“ Ајрин (29), едно од неговите седум деца, пишува „Дејли мејл“.

„Го сакав и поддржував Арон како син, а сега ја сакам и поддржувам Ајрин како ќерка. Не разбирам зошто тоа би било голем проблем… Ги сакам сите свои деца“, додал тој, осврнувајќи се на Ајрин, која започнала со хормонска терапија минатата година.

Ајрин и нејзиниот брат близнак Џулијан (29) се родени во врската на Роберт де Ниро со актерката Туки Смит (72), со која бил во љубов од 1988 до 1996 година.

Ајрин деновиве дала големо интервју за списанието посветено на ЛГБТК+ заедницата, каде што јавно проговорила за својата транзиција и идентитетот.

Во разговорот, таа изразила надеж дека ќе стане пример за квир жените со потемна кожа кои сакаат да го редефинираат тоа што значи да се биде убава, но и како е да се расте како дете на еден од најпознатите актери во светот.

„Не само што некои медиуми погрешно пишуваа за мене… Ме потсетија колку луѓето всушност не знаат ништо за мене. Секако, ниеден родител не е совршен, но сум благодарна што двајцата се согласија да ме држат подалеку од центарот на вниманието, од рефлекторите. Сакаа мојот живот да биде што е можно поприватен. Сакаа да имам што е можно понормално детство“, рекла Ајрин, која започнала со хормонската терапија во ноември 2024 година, па објаснила зошто одлучила јавно да зборува за својот идентитет.

„Постои разлика помеѓу тоа да бидеш видлив и луѓето навистина да те видат. Јас бев видлива. Но, не мислам дека некогаш навистина сум била видена“, објаснила Ајрин, потсетувајќи се на средношколските денови кога се идентификувала како геј маж.

Таа признала дека никогаш не се чувствувала прифатена.

Синот на Роберт Де Ниро јавно се претстави како трансродова жена: „Можеби сепак не е доцна за мене“

ВИДЕО | Роберт Де Ниро откри што мора да прави секое утро за својата двегодишна ќерка