Бутел Скопје го освои првото место на првиот меморијален турнир во чест на прерано починатиот поранешен ракометар на клубот, Денис Тот.

На овој турнир учествуваа четири екипи РК Ѓаково, РК Бутел, РК Грачаница и РК Осиек.

Во родното Ѓаково на Денис Тот, Бутел го победи хрватскиот Осиек со резултат 25:23 во финалето.

– Честитки за домаќинот Ѓаково и сите вклучени за одличната организација на турнирот. Пехарот што го освоивме во неговиот роден град, му го посветуваме токму него – на нашиот Денис Тот! – пренесуваат од РК Бутел Скопје.

Претходно Бутелци во полуфиналниот натпревар од турнирот го совладаа составот на Ѓаково со 32:28.