Петта победа по ред оствари Алкалоид во македонската ракометна Суперлига, откако тимот предводен од Кирил Лазаров триумфираше над Струга со 38:18.

Интересно, по првото полувреме на семафорот стоеше нерешени 13:13, но во вториот дел Алкалоид покажа високи перформанси.

Играчите на Лазаров во вторите 30 минути постигнаа 25 голови, а Струга само пет.

Најдобар стрелец за Алкалоид беше Александар Петковски со седум гола, пред Иван Џонов со пет гола, исто колку што постигна и Дарио Кофиловски.

На спротивната страна по пет погодоци запишаа Мерис Бошњак и Александар Тренчевски.

Во групата „А“ РК Алкалоид е на првото место со 15 бодови, додека Струга после третиот пораз сезонава е на петтото место со шест.