фото: РК Алкалоид

РК Алкакоид е четвртфиналист во Европскиот Куп на ЕХФ

Ракометниот клуб Алкалоид повторно го победи италијанскиот Бриксен овојпат со резултат 38:31 и го потврди пласманот во четвртфиналето на Европскиот Куп на ЕХФ.

Македонскиот претставник со една нога веќе беше во четвртфиналната фаза откако во Италија славеше со 44:32.

Ова е веќе шеста победа по ред за играчите на Кирил Лазаров во ова натпреварување.

Најдобар стрелец во победничката екипа на возвратниот дуел против Бриксен беше Александар Петковски со осум гола, пред Марко Митев со седум гола.

Алкалоид ќе го дознае својот ривал во четвртфиналето на ждрепката која ќе се одржи на 25 февруари.

Досега пласман во следната фаза обезбедија и екипите на Партизан (Србија), АЕК (Грција), Минаур Баја Маре (Романија), Рунар (Норвешка) и Хаукар (Исланд).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот