Легендата на бразилскиот фудбал, Ривалдо излезе во јавноста со своја прогноза за актуелните состојби во шпанскиот фудбал и финалето во Лигата на шампионите каде што треба да играат Реал Мадрид и Борусија Дортмунд.

Иако Реал Мадрид важи за фаворит, Ривалдо смета дека трофејот ќе го освои Борусија Дортмунд.

„Реал е фаворит, но сигурен сум во Борусија Дортмунд. Ги гледав како играат, полни се со самодоверба и знаат да играат во тешки натпревари. Да, како што кажав, Реал е фаворит, но јас типувам на Борусија“, изјави Ривалдо.

?️ Rivaldo: “I think Borussia Dortmund will beat Real Madrid in the UCL Final.” pic.twitter.com/Tryt7KY68P

— Madrid Zone (@theMadridZone) May 10, 2024

Даде своја прогноза Ривалдо и за освојувачот на „Златната топка“, смета дека тоа ќе биде Винисиус Жуниор.

„Се што прави во Реал и начинот на кој игра го прават прв фаворит за мене. Дефинитивно има голема шанса да го победи Мбапе во наградата за „Златната топка““, прогнозираше Бразилецот.

Добар дел од својата кариера Ривалдо помина и во Барселона, па и тоа беше неизбежна тема.

„Помина веќе долго време откако Барселона освои трофеј. Чави има тешка сезона, поминав низ слична ситуација кога играв за Барса и знам како е. Не е лесно да се гледа како вашите ривали освојуваат трофеи. Но, потребно е време, сите големи клубови минуваат низ таков период. Потребно е да се најдат вистинските фудбалери и да делувате на вистински начин“, порача Ривалдо.