Пејачката Рита Ора (33) признава дека со години се бори со тоа да им каже „не“ на работните обврски бидејќи нејзиното семејство ѝ припаѓа на работничката класа.

„Кога доаѓате од средина во која не сте имале многу, навистина е тешко да ги одбиете понудите. Учам како да кажам не, но сакам да работам“, изјави пријачката во своето последно интервју, а пренесе „Сан“.

„Јас ја имам истата работна етика како мајка ми“, додала Ора, која од Албанија се преселила во Велика Британија уште кога била бебе. Не е тајна дека кога живеела во западен Лондон, Ладброук Гроув, се чувствувала како да не припаѓа таму. Но, сега се чувствува сигурна каде и да е и тоа го препушува на својата возраст.

„Најмногу се забавуваш во дваесеттите години од животот и тоа е, всушност, врвот на сè во животот – особено во поп музиката. Сепак, сметам дека моите триесетти се најдобри за мојата кариера бидејќи сите оние грешки и обиди кои сум ги правела претходно, сега ги гледам од поинаква перспектива“, раскажа пејачката.

Покрај кариерата, пејачката постигна успех и на приватен план кога пред речиси две години се омажи за филмскиот режисер Таика Вaјтити (46).

Се чини дека приватниот и деловниот живот на оваа двојка одлично се надополнуваат бидејќи Ора и Вејтити често соработуваа, таков беше случајот неодамна на нејзината песна „Ask & You Shall Receive“ и неговиот нов филм „Клара и сонцето“ („Klara And The Sun“).

Ора ќе се појави и во новото продолжение на франшизата „Потомци: подемот на црвено“ („Disney Descendants: The Rise Of Red“), во која ќе ја игра негативката од „Алиса во земјата на чудата“ – Кралицата на срцата.

Распоредот, вели ѕвездата, ѝ е презафатен, па кога ќе се потрошат батериите – парот ужива во Нов Зеланд, од каде што е Вејтити.