Министерот за спорт Борко Ристовски вечерва преку социјалните мрежи повторно реагираше на критиките за пропустите за младинската олимпијада и порача дека пропустите се на “неспособна градоначалничка” и одговорните лица на Македонскиот олимписки комитет.

– Не сакам да споменувам имиња на градоначалници и градоначалнички, имиња кои се веќе завршени приказни во политиката, а некои чекаат и извршување на затворски казни, во контекст на организацијата на Европскиот младински олимписки фестивал ЕМОФ Скопје 2025.

Тоа што беше побарано од институцијата што јас ја водам како министер беше исполнето во целост!

И пак ќе потсетам дека Министерството за спорт  не е официјален организатор на ЕМОФ Скопје 2025! Ако некој треба да сноси одговорност за пропустите во организацијата тоа се оние што ја презедоа одговорноста и обврската да го организираат настанот. Пропустите се резултат на неспособноста на една градоначалничка и на одговорните луѓе во МОК! – напиша Ристовски на Фејсбук.