Во реваншот од финалниот плеј-оф во женската руска ракометна лига составот на ЦСКА Москва загуби на гостувањето кај Ростов Дон со 29:26.

Но, и покрај поразот ЦСКА ја задржа предноста од првиот натпрева (30:23) и на тој начин ја обезбеди шампионската титула во првенството.

Воедно е прекината доминацијата на Ростов Дон која траеше од натпреварувачката сезона 2016/2017.

Македонската ракометарка Сара Ристовска не беше во составот поради повреда, но се очекува да биде подготвена за Фајнал-фор турнирот во Лигата на шампионите.

Потсетување рускиот претставник на 29 мај во Будимпешта (Унгарија) во полуфиналето ќе се соочи со Брест од Франција.