Легендарниот француски фудбалер Франк Рибери ќе се врати во германскиот великан Баерн Минхен, најави Кристијан Фалк, новинар на весникот „Билд“.

Рибери беше играч на Баерн Минхен во периодот од 2007 до 2019 година по што замина во италијанскиот прволигаш Фиорентина.

Но, што се однесува до идната сезона, Рибери не се договори за нова соработка со „виолетовите“, па сега е слободен фудбалер.

Баварците сакаат да го вратат, а и Рибери има желба да се врати во клубот во кој играше извонредно и остави одлични спомени.

Рибери за Баварците одигра 425 меча, даде 124 гола. Тој има настапувано и за Булоњ, Арес, Брест, Мец, Галатасарај и Марсеј. За француската репрезентација има 81 меч и 18 гола.