Револуционерно: Терапија со матични клетки носи нова надеж за мачките со ризик од губење на видот
Мачката по име Локум, на која ѝ беше дијагностицирана прогресивна ретинална атрофија (ПРА), болест која предизвикува постепено губење на видот поради дегенерација на фоторецепторните клетки во окото, покажува знаци на подобрување по само две дози терапија со матични клетки, пренесува „АА“.
Препорачано
Ајсе Алкан, сопственичката на петгодишната мачка Локум, забележала проблем со фокусирањето и веднаш ја однела на ветеринар. При прегледот било откриено дека Локум боледува од ПРА, болест за која на Алкан ѝ било соопштено дека нема лек и дека нејзината мачка на крајот ќе ослепи. Но, откако слушнала за терапијата со матични клетки, која обично се користи кај луѓето, но сега се користи и кај животните, решила да се консултира со ветеринарот Џем Перк.
Перк ѝ дал на мачката Локум две дози терапија со матични клетки со разлика од две недели. По третманот, било забележано дека способноста на Локум да препознава предмети е подобрена, а знаците на напредок биле видливи.
„Видовме подобрување во визијата на Локум, особено во способноста да препознава предмети, што е голем чекор“, рече Перк.
Перк објасни дека Локум имал симптоми како што се удирање во предмети, отежнато гледање, изразен страв од темнината и ненормално проширени зеници. Пред терапијата, сопствениците биле известени дека оваа состојба нема лек, но со воведувањето на матични клетки во ветеринарната медицина, сега има начин како да се лекува.
„Како што видовме голем успех во ортопедските случаи, терапијата со матични клетки во овој случај покажа ветувачки резултати“, додал Перк.
Прогресивната ретинална атрофија, која често се јавува кај мачки и кучиња, доведува до слабеење на функцијата на мрежницата и на крајот слепило. Перк изјави дека од 2020 година матичните клетки успешно се користат во ортопедски и невролошки случаи и сега, за првпат во Турција, се користат за лекување на очни болести кај мачки.
„Интравитреална инјекција, дадена под едноставна анестезија, им овозможува на матичните клетки да стигнат до мрежницата. Овој метод стана трошка надеж во лекувањето на слепилото“, истакнал Перк.
Перк заклучува дека терапијата со матични клетки може да стане светилник на надеж за животните кои страдаат од прогресивна атрофија на мрежницата и се соочуваат со закана од слепило. Овој модерен метод може да обезбеди можности за подобар живот на многу домашни миленици ширум светот.
