Фудбалската репрезентација на Македонија утре го игра вториот натпревар во квалификациите за СП 2022 и на кој е апсолутен фаворит. „Црвено-жолтите“ утре (20.45) на Националната Арена „Тодор Проески“ го пречекуваат Лихтенштајн.
Во досегашните меѓусебни пресметки, Македонија има осум победи и едно реми, а токму против Лихтенштајн е остварена најубедливата победа во историјата од 11:1.
– Македонија според мене игра неверојатен фудбал. Пријатно сум изненаден како играат во последно време и тие ќе бидат најтешкиот ривал за нас во овие први три натпревари на стартот од квалификациите. Имам многу голем респект за Македонија. Нормално е дека нѐ чека многу тежок меч, но нема да се криеме, ќе се обидеме да играме фудбал – изјави капитенот на Лихтенштајн, Николас Хаслер.

Македонија на стартот од квалификациите загуби од Романија 3:2 додека Лихтенштајн е поразен со 0:1 од Ерменија.