Жител на Ресен е тешко повреден откако, додека менувал дел на неговиот трактор во дворот од неговата куќа, тракторот се придвижил и се превртел, а тој скокнал за да го избегне, соопшти МВР.

„На 21.08.2025 околу 9:15 часот во ОВР Ресен било пријавено дека во дворот од неговата куќа во Ресен, додека Е.З.(63) од Ресен менувал дел на тракторот „фергусон“, тракторот почнал да се движи наназад, по што тој скокнал, а тракторот се превртел. Притоа, Е.З. се здобил со тешки телесни повреди и бил пренесен во Специјалната болница „Св.Еразмо“ Охрид за укажување помош. Се работи за расчистување на случајот“, велат од полицијата.