Стојан Ѓуроски и неговиот клуб ХЛА Аликанте стигнаа и до својата втора победа на стартот од Леб Оро лигата во Шпанија.

На свој терен убедливо беше совладана екипата на Леида со резултат 82:65, а најголем придонес во освојувањето на бодовите имаше македонскиот репрезентативец.

Ѓуроски беше најдобар стрелец во својот тим, крилото постигна 13 поени (2/6 за три, 3/5 за два и 1/2 за еден поен), а освен тоа имаше и три скока и една освоена топка за 22 минути игра.

После две кола од втората шпанска лига, ХЛА Аликанте има максимални две победи.

Наредниот трет меч во новата сезона ќе го има на домашен терен (30 октомври) против Мајорка Палма.