Напаѓачот Колин Андерсон (24) од Јамајка е најновото засилување на Брегалница од Штип за новата сезона во Првата македонска фудбалска лига.

Андерсон, кој е репрезентативец на Јамајка, доаѓа од редовите на фудбалскиот клуб Кавалиер од Јамајка.

Претходно има настапи и за ФЦ Арнет Гарденс исто така во домашниот шампионат. До сега има два официјални настапи за репрезентацијата на Јамајка.

Претходно, Брегалница се засили и со дефанзивецот Самал Дикенс од Панама, офанзивецот Фабрицио Венегас од Костарика, голманите Мартин Давков и Кире Новаков, како и десниот бек Ване Јованов, кои се повратници меѓу „сините“.

Брегалница ги започна подготовките за новата сезона, покрај тренинзите, тренерот Горан Здравков најави дека се планирани седум пријателски средби кои ќе се темпира формата.