Репрезентативецот на Македонија, Кристијан Наумовски по напуштањето на Шкупи кариерата ја продолжува во Брунеи.

Наумовски во изминатата сезона ја чуваше мрежата на клубот од Чаир, но по завршувањето на сезоната и тој беше еден од оние кои си заминаа од Шкупи. Негов нов клуб сега е ДПММ од Брунеи кој се натпреваруварува во првенството на Сингапур.

Трансферот го потврди самиот Наумовски со објавување фотографија со договорот во новиот клуб.

„Мојот нов клуб“, објави Науимовски.

Наумовски во изминатиот период добиваше и повик во репрезентацијата на Македонија, но не е прв избор на голот кај селекторот Благоја Милевски.