Глазгов Ренџерс запиша пораз на домашен терен од Генк со 0-1 во првото коло од Лига Европа, во меч во кој голема улога одигра црвениот картон на Диоманде. Шкотскиот тим остана со играч помалку уште во финишот на првото полувреме, што белгискиот претставник вешто го искористи.

Генк постигна два гола – едниот беше поништен по ВАР-интервенција, а вториот, дело на Корејцот Ох Хјеон-Гју, беше доволен за победа. Истиот играч утна и пенал. Македонскиот репрезентативец Бојан Миовски доби шанса во последните 10 минути, влегувајќи во игра во 80-та.

Најубедливата победа ја запиша Панатинаикос, кој со 1-4 славеше на гостувањето кај Јанг Бојс. Херој на Грците беше Мароканецот Абас Зарури со хет-трик.

Преземено од: Спорт.ком.мк