Поделба на бодови на северот на Грција – ПАОК и Макаби Тел Авив одиграа без голови (0:0), додека дански Мидтјиланд со 2:0 го совлада Штурм.

Макаби беше поопасен во првото полувреме – Перец промаши две големи шанси, а во 35. минута гостите погодија, но голот беше поништен поради офсајд.

ПАОК се разбуди во финишот од првото полувреме преку Константелијас, но голманот Мисфати одбрани. Во вториот дел и двата тима имаа шанси – Андраде за Макаби, а Баба за ПАОК, но резултатот остана непроменет. Во самиот финиш Чалов и Камара беа блиску до гол за домаќините, но Мисфати блесна и стана херој на својот тим.

Во вториот меч од вечерта, Мидтјиланд заслужено триумфираше над Штурм со 2:0. Трагичар беше голманот Кристенсен кој прво постигна автогол во 7. минута, а потоа лошо интервенираше во 88. кога Диао со глава го постави конечниот резултат.

Превземено од: https://sport.com.mk/