По големиот триумф над двократната олимписка шампионка во таеквондо, Џејд Џонс, македонската олимпијка во Париз Милјана Рељиќ претрпе минимален пораз од Либанката Летиција Аун.

Македонската таеквондистка иако загуби, покажа уште една одлична борба до самиот крај, во првата рунда противничката на Рељиќ беше подобра со 9:8, а втората заврши нерешено (6:6), а Либанката оди во полуфиналето бидејќи имаше удар во глава.

Сега сите надежи се Аун да обезбеди пласман и во финалето, со што Рељиќ ќе се стекне со можност да се бори за бронзата преку репасажот.

Противничка на Аун ќе биде Нахид Киани од Иран која со 5:2, 0:3 и 3:2 триумфираше против Шаима Туми од Тунис.

Во второто полуфинале во категоријата до 57 килограми ќе се борат Ким Ју-џин од Јужна Кореја и Луо Зонгши од Кина.