Рекет, Империја и Плацевите на Водно го ставија Камчев на „Црната листа“
Американските власти го ставија бизнисменот Јордан Камчев на црната листа. Целиот недвижен имот и евентуални бизниси во САД ќе му бидат блокирани.
Препорачано
Вториот кој се најде на „Црната листа“ на американските власти е бизнисменот Орце Камчев. Канцеларијата за контрола на странски средства на Министерството за финансии на Соединетите Американски Држави, попладнево излезе со соопштение.
Амбасадорката на САД во Македонија, Анџела Агелер, се огласи со твит во кој наведе дека „овие санкции не влијаат само врз поседувањата и имотот на г-дин Камчев, туку и врз оние кои имаат бизнис со него.
„Господинот Камчев ја злоупотребил својата позиција, ангажирајќи се во коруптивни активности и спроведувајќи себична агенда на сметка на демократските институции и граѓаните на Северна Македонија“, изјави Брајан Нелсон, потсекретар за тероризам и финансиско разузнување во Министерството за финансии на САД.
Присуството на „Црната листа“ на САД значи блокирање на имотот на Камчев во САД, но и имотот на нему блиски лица и компании, како и сите конекции со Америка кои се поврзани со пари . Од Вашингтон предупредуваат дека може да настрада секој кој има финансиски врски соОрце Камчев.
Американските власти ги образложуваат судските процеси во кои има учество бизнисменот Орце Камчев.
Плацевите на Водно
Американските власти потенцираат дека Камчев во 2022 година беше осуден во судскиот процес на предметот „Парцели на Водно“, за учество во шема за перење пари поврзана со незаконско купување на земјиште.
Империја
Случајот „Империја“ во кој се спогоди со обвинителството и призна вина. Во овој случај тој беше осомничен за злосторничко здружување, измама, перење пари и други кривични дела поврзани со неговите бизниси.
Рекет
Американците не го забораваат ниту неговото учество во случајот „Рекет“ во кој беше главен актер и сметаат дека токму предметот предизвика крај на Специјалното јавно обвинителство и прекин на многу случаи за корупција против функционери и бизнисмени.
Првиот што беше ставен на „Црната листа“ од страна на американските власти е градоначалникот на Струга Рамиз Мерко, кој доаѓа од ДУИ партијата предводена од Ахмети.
