Во Италија денеска се одржуваат регионални избори и референдум за намалување на бројот на членови на Парламентот. Локални власти се избираат во седум региони каде што, поради пандемијата на Ковид-19, не можеше да се гласа во април.

Италија има 20 региони кои го сочинуваат првото ниво на територијална поделба на земјата, а регионите имаат политичка и административна автономија. Во последните години, голем број од 60. милиони Италијанци не излегоа на гласање.

Заедно со регионалните избори, низ цела Италија ќе се одржи и референдум за намалување на бројот на членови на Парламентот. Предлогот за референдум за намалување на бројот на пратеници е, речиси, независна борба на Движењето „Пет Ѕвезди“ што сега, заедно со Демократската партија, е дел од владејачкото мнозинство во централната влада. Движењето вети референдум пред своите гласачи на претходните избори.

Доколку референдумот биде успешен, бројот на пратеници во италијанскиот парламент ќе се намали од сегашните 945 на 600.