Направете лесен летен ручек кој не чини многу, а сè што ви треба се макарони и зеленчук.

Состојки:

– пакување макарони
– две помали тиквички
– 3 печени црвени пиперки
– 1 главица кромид
– 3 чешниња лук
– неколку цветчиња брокула
– 200 грама пармезан
– 200 грама излупени домати пелато
– магдонос, зачини
– бибер, сол

Подготовка:

Кромидот и лукот ситно исечкајте ги, а тиквичките изрендајте ги и исцедете ја водата. Печената црвена пиперка и доматите иситнете ги во блендер и оставете ги на страна.

На масло пропржете го кромидот, додадете ги тиквичките и динстајте. Зачинете со билки и со бибер. Во зеленчукот сипете ги доматите и пиперките, намалете ја температурата и оставете да се динста околу 20 минути. Кратко сварете ја брокулата.

Додека сосот се крчка, сварете ги макароните, процедете ги и измешајте ги со сосот. Истурете се во огноотпорен сад, посипете со пармезан, додадете ситно сечкан магдонос и варени цветчиња брокула.

Печете во загреана рерна додека да се растопи кашкавалот. Послужете топло.