Комбинацијата на црно чоколадо и кокосово брашно го прави овој колач омилен кај многу генерации. Интересна текстура и интензивен вкус што ќе ја задоволи вашата желба за слатко уште при првиот залак.

Чоколадото има позитивно влијание врз расположението. Влијае врз когнитивната функција на мозокот и го зголемува нивото на биохемиските невротрансмитери како серотонин и ендорфин.

Главната нутритивна одлика на кокосот е што дава многу енергија и поттикнува добро расположение. Богати со здрави масни киселини, кокосовите снегулки го стимулираат метаболизмот, а со тоа индиректно влијаат врз намалување на телесната тежина. Ќе ви дадат инстант енергија, а се далеку поздрава алтернатива на чоколадните трошки во тортите и чоколадите.

Состојки:

– 200 грама црно чоколадо
– 130 грама кокосово брашно
– 120 милилитри павлака
– 120 милилитри јогурт
– 240 милилитри млеко
– 80 милилитри масло
– 1-2 ванилин шеќер
– 250 г брашно
– 1 лажица гриз
– 1 лажичка прашок за печиво

За глазура:

– 100 г црно чоколадо
– 2 лажици масло

Подготовка:

Стоплете го млекото и додајте го чоколадото за да се растопи. Одделно измешајте ги сувите и влажни состојки, потоа измешајте ги заедно и префрлете ги во помал сад за печење или калап за помали колачи што ќе ги посипете со брашно за да не се залепи тестото.

Печете околу 25-30 минути на 180 степени Целзиусови и користете чепкалка за заби за да проверите дали вашиот десерт е готов. Ако е чисто, без трошки од тесто, подготвено е да се извади од рерна.

Кога колачот ќе се испече, извадете го и прелијте го со чоколадната глазура додека е уште врела. Направете чоколадна глазура со топење на чоколадните коцки за готвење на пареа и со мешање со маслото.

Добар апетит!