Сите ги обожаваат телешките шницли приготвени на ваков начин, а најдобро одат со варени компири. Меки и сочни, се топат во уста. Лимонот им дава посебен шмек.

Состојки:

– 8 шницли
– 60 г путер
– 1 дл бело вино
– 1 дл кисела павлака
– 4 лимони
– 1 врзоп магдонос
– сол и бибер

Подготовка:

Исчукајте ги шницлите со чекан за месо, посолете ги и зачинете ги, извалајте ги во брашно и испржете ги на путер. Потоа, додајте им малку вода и оставете ги да крчкаат додека испари водата. Повторете ја постапката 3 пати.
Потоа, пригответе сос од лимон. Во преостанатите маснотии од пржењето додајте бело вино и загревајте неколку минути, додајте павлака и сок од два лимона. Можете да додадете малку брашно, посолете, забиберите и на крајот додајте ситно сечкан магдонос.
Испржените шницли украсете ги со исечкани резанки лимон, прелејте ги со лимонов сок и послужете ги со варени компири.