Сите обожаваат шпагети, а овој вкусен ручек може да го приготвите за многу кратко време.
Шпагетите може да ги подготвите многу побрзо ако наместо во тенџере на рингла, ги ставите во тава и печете во рерна.

Потребни состојки:

– 500 грама шпагети
– 1/4 шолја маслиново масло
– сол и бибер
– три чешниња лук
– босилек, рузмарин и оригано
– црвен кромид
– една конзерва домати пелато
– една исечкана пиперка
– една шолја пире од домати
– три шолји вода
– свеж босилек
– 200 грама моцарела

Подготовка:

Отворете пакување шпагети и без никакво приготвување ставете ги во плех, прелејте ги со маслиново масло, посолете ги и зачинете ги со бибер.

Потоа додајте ги исечканиот лук, зачините, крупно исечканиот црвен кромид и измешајте. На крај, сипете ја конзервата со домати пелато, пиперката и пирето од домати.

Прелијте со вода, додадете босилек, измешајте и ставете ја моцарелата најгоре.

Печете 45-50 минути на температура од 190 степени.